(geskryf gedurende kwarantyn 2020)
'n taxi het vanoggend met sy
(meer as 4) insittendes oor
'n rooi lig gejaag
die pad was grafstil
en êrens het 'n haan drie maal gekraai
in die townships was dit
business as usual met
sweetdampe wat in jou neus opslaan
soos iemand soos gewoon
minderas1.5naby aan jou kom staan
in 'n spaza sit 'n man sy voet verkeerd
en laat die pap uit 'n ander se greep glip
die sak nies oor die vloer:
selfs die mieliemeel nou
tot rommel afgegradeer
Comments